آک لینڈ (نیوزی لینڈ) — سکھ کونسل آف نیوزی لینڈ کے زیراہتمام سکھ مسلم فرینڈشپ اینڈ انٹرفیتھ ہارمنی کانفرنس 26 جولائی 2025 کو آک لینڈ میں منعقد ہوئی۔
کانفرنس میں مختلف مذاہب کے رہنماؤں اور شخصیات نے شرکت کی اور بین المذاہب ہم آہنگی کے فروغ پر اظہار خیال کیا۔ منہاج القرآن انٹرنیشنل کے ڈائریکٹر انٹرفیتھ ریلیشنز اور حکومتِ پاکستان کے متروکہ وقف املاک بورڈ کے رکن، سہیل احمد رضا نے خصوصی شرکت کی اور اپنے خطاب میں قیام امن، مذہبی رواداری اور بین المذاہب مکالمے کی اہمیت پر روشنی ڈالی۔
اس موقع پر پاکستان سکھ کمیونٹی کے رہنما اور گوردوارہ ڈیرہ صاحب لاہور کے ہیڈ گرنتھی، گیانی سردار رنجیت سنگھ بھی شریک ہوئے۔ انہوں نے پاکستان میں اقلیتوں کے حقوق اور مذہبی ہم آہنگی کے فروغ کے حوالے سے اپنے خیالات پیش کیے۔
کانفرنس کے شرکاء نے عالمی سطح پر امن و محبت، رواداری اور بین المذاہب افہام و تفہیم کے فروغ کو وقت کی اہم ضرورت قرار دیا۔
آک لینڈ ایئرپورٹ پر استقبال
تبصرہ