متحدہ عرب امارات کے شہر دبئی میں قائم سکھ گردوارہ دربار جبل علی میں ڈاکٹر سریندر سنگھ کندھاری کی جانب سے افطار ڈنر کا اہتمام کیا گیا جس کا مقصد سکھ مسلم دوستی اور بین المذاہب رواداری کے فروغ اور امن بقائے عالم کے لیے دبئی حکومت کی کاوشوں کو خراج تحسین پیش کرنا تھا۔ افطار ڈنر میں انٹرفیتھ ریلیشنز منہاج القرآن انٹرنیشنل کے ڈپٹی ڈائریکٹر صاحبزاہ سید مدثر محی الدین قادری نے شرکت کی۔ افطار ڈنر میں ملکی و غیرملکی مسلم کیمونٹی کے سربراہان بھی شریک تھے۔ دبئی حکومت کے اعلیٰ افسران نے گرودوارہ کے اس عمل کو سراہا۔
اس موقع پر متحدہ عرب امارات میں ہندوستان کے سفیر سنجے سدھر نے گفتگو کرتے ہوئے کہا کہ یقینی طور پر خطے میں امن و سکون کے لیے ہمیں ایک دوسرے کے مذہبی عقائد و نظریات و جذبات کو تسلیم کرنا چاہیے اور ہمیں ایک دوسرے کا دست و بازو بننا چاہیے تاکہ اس افراط و تفریط کے عالم میں ہم ایک دوسرے کے لیے سکون کا باعث بن سکیں۔ چیئرمین گرودوارہ دربار صاحب نے مہمانوں کا شکریہ ادا کیا اور آئندہ اپنی خدمات جاری رکھنے کا اعادہ کیا۔ افطار کے بعد نماز مغرب کی ادائیگی کا خصوصی انتظام گوردوارہ کے حال میں کیا گیا۔
تبصرہ